OPOSIZIOAREN ORRIA

NAHI DUGUN HERRIA

 

Herriko-hauteskundeetan bozen laurdena bildu eta, ezker abertzale

eta ekologista zerrendakoak giren guttiengoko 4 hautetsiak gaitu-
zue, parean ditugularik gehiengoko 25 hautetsi (horietarik 16k, ur-
tean eta orotara 113 918€ heineko indemnitatea eskuratzen dute).

 

 

Gure mandatuaren lehen sei hilabete hauetan, herri-gobernantza

eramateko erabiliak diren jokamoldeak aurkitu ditugu: herriko kont-
seiluko ibilmoldea, barne araudi konplexu eta higiezin batek gidatua

(batzorde gehienetan toki bakar bat oposizioko hautetsientzat, ezin

ordezkatuak…), kontseiluko bilkuretan eztabaida bakarrak gu lauek

auzapezarekin ditugunak baizik, parean beste kontseilariak mutu-
tasunez joak, aintzinetik dena trenkatua baita… eta beraz, halako

meza nagusi mota bat, eskea eskas, Buruzagiak prediku frango,

jarraikitzaile-talde handiak komunio suharra eta arrosario-pikorren

gisan deliberamendu parrasta bat…

 

 

Erran gabe doa, maiz basamortuan oihuka ari girela… haatik Kanbo

eta kanboarren interesari atxikiak baikira, gure oposizioak, tematia

izanik ere, hobekitzailea izan nahi du.

 

 

Gure esku sartzeak ainitzak izan dira (herriko igerilekua gehiagotan

idekia izan dadin galdegin, uztailaren 4eko uholdeen kudeaketa

deitoratu, Osasun eta Thermalismo Etxearen geroa argitu, Beau-
lieuren hesteari buruz gure kexa adierazi), baina baita ere zenbait

proposamen (tokiko demokrazioari buruzko gogoeta talde baten

osatzeko proposamena, herriko jendeen eta bereziki gazteen inpli-
katzeko auzo batzordeak sortzeko proposamena, batzordean sozial

mailako arazoen azterketa sakona, nahi duten ikasle elebidunentzat

eskola ondoko tailer elebidunen eskaintza, publikoari begira egiten

diren dokumentuetan euskara eta frantsesaren parekotasuna zutik

ezartzea…).

 

 

Gure ezadostasun eta oposizio fermua adierazi dugu tokiko zergen

emendatzeari buruz, urpetua izan daitekeen terrenoan karabana

aparkaleku proiektuari buruz, Ussimendia lurraren gaurko saltze

proeiktuari buruz…

 

 

Besteak beste dolu dugu batzordeetan egin den lan bakar bat ere

ez dela deliberazio baten gaia izan, inbestizamendu obrak herri

erdi eta Arnagaren inguruan baizik ez izaitea. Deitoratzen dugu

Musika eskolaren inguruko polemika, eta Arnagako baratzeetan

egiten zen antzerki festibalaren bukaeraren berri txarra.

 

 

Gaur egun indarrean den taldearen ekimen inguruan zaintza egiten

segituko dugu eta gure mandatuak iraunen duen sei urte hauetan

zuekin harreman hurbila ukaiten jarraituko dugu.

 

hemen klikatu

  • © 2014