Kasik %47 izan zirezte bozkatzeko NAHI DUGUN HERRIA /LA COMMUNE QUE NOUS VOULONS zerrendaren alde eta oso arro gira zuen jakiteaz gure alboan.
Kasik %47 izan zirezte bozkatzeko abertzalez, ekologistez eta gizarte zuzenago, berdinago eta feministago baten aldeko ekiten duten militantez osatutako zerrenda baten alde. Emaitza zoragarri hori 6 urteko lan baten ondorioa da baita talde arraberritu eta motibatu batek kolektiboki eramandako proiektu baten emaitza.
Segur da ez ditugula hauteskundeak irabazi baina zuen konfiantza bai. Zuei esker 3 hautetsi gehiago izango ditugu eta horrela pasaz 4tik 7ra.
Badakizue gehiengoak hartuko dituen erabakiak eta hitz emandakoak beti hurbiletik segituko ditugula.
Guttiengoan izateak ez gaitu mugatuko proposamenen egiteko eta zuen eskaeren baita iritziaren eramateko.
Zuen eta kontseiluaren arteko zubi izango gira; beti lehenetsiz interes orokorra.
Milesker handi bat denei !
Osasun krisia larri bat zeharkatzen ari gira eta nahi dugu gure sustengu osoa helarazi
sendagile, erietxeetako langile, kutxazain, laborari, zikin biltzaile, langile sozial eta
populakuntzaren oinarrizko beharren segurtatzeko lanean ari diren langile guziei. Gisa berean sustengatzen ditugu lanera igorriak eta arriskuan ezarriak diren pertsona guziak helburu bakarra denean batzuen irabazien babestea.
Laster arte
Nahi Dugun Herria taldea
Joan diren hauteskundeetan zuetarik %28k konfiantsa egin diguzue. Nahi Dugun Herria-ko lau hautetsiek, maiz, beren tema eta seriosa frogatu ahal izan dute, hala nola Marieniako lautadaren urbanizatze proiektuaren kontra, herritarrak informatu eta mobilizatu dituztelarik. Laborantxako lurren babestea gure egitate nagusietarik baita.
Egin dugun bideaz eta ingurune desberdinetatik hurbildu zaizkigun jendeez indarturik, proiektu berria proposatu nahi diogu Kanbori.
Nahi Dugun Herria zerrendan batu gira justizia sozialari buruz balore berak partekatzen ditugun abertzale, ekologista, eta feministak. Lurralde honi eta Euskal Herriari atxikiak gira. Berdintasuna, elkartasuna, ingurumenaren eta laborantxa lurren babesa eta transizio ekologikoaren premiaren inguruan bildu giren emazte eta gizonak gira.
Kanbon bizi gira denak, lan eta elkarte arloan parte hartzen dugu, adimen kolektiboan sinesten baitugu. Herritarrei hitza eman nahi diegu.
Gure herria, ekonomia eta elkarte biziari esker, besteak beste, dinamikoa da. Indar hori azkartu nahi dugu, zuekin, herri biziagoa, batuagoa eta pizgarriagoa eraiki nahi dugu, elkar ezagutzeko gogoa emanen diguna, ekimenei begira interesa piztuko diguna, eta erabakietan parte hartzeko grina piztuko diguna. Hirigintza, elgarrekin bizitzeko antolaketa-tresna gisa ulertzen dugu.
Etxebizitza mailan, nahikari handiko politika bat abiatu nahi dugu, beti ere gizarte aniztasuna zainduz, proiektu guzietan garraio eta mugikortasuna kondutan hartuz eta bizi baldintza onak segurtatzeko beharrezkoak diren egokipenei eta ekipamenduei pentsatuz. Zinezko herri proiektu bat eraiki nahi du, ikuspegi globala garatuz, epe luzera beti : gaurko erabakiek biharko Kanbo marraztuko baitute.
Azken urte hauetan, sozial, politiko, sindikal edo elkarte arloko eragile ainitz lanean ari da Euskal Herriak bizi duen gatazkaren konpontzeko bideak jorratzen, bake prozesurako elkarrizketa eremuak idekitzen. Dinamika horren barne kokatzen dugu gure burua eta zentzu honetan euskal preso politikoen askatzearen alde lan eginen dugu.
71 pertsonek sustengatzen gaituzte…
Omenaldi berezi bat egin nahi diegu mandatu honetan joan zaizkigun Bernadette Jougleux auzapezari eta Pantxo Michelena gure zerrenda kideari. Pantxoren bidea segituko dugu sozial arloan, euskararen eta gure kulturaren defentsan.